Руските сили завршија со разработка на воен интернет со официјално име Дискретен сегмент за пренос на податоци. Тоа го изјави за весникот Известјија претставник од Министерството за одбрана.
– Воената мрежа не е поврзана со глобалниот интернет, и сите компјутери приклучени на неа имаат заштита од надворешен пристап, наведува весникот.
Системот веќе функционира со полн капацитет и во секој воен оддел има сервери што шифрираат и доставуваат информации. Сајтовите од тој сегмент се достапни само од компјутери сертифицирани од руската Служба за зачувување државна тајна. Во мрежата активна е и е-пошта за пренесување тајни информации меѓу кои и документи со назнака „строго доверливо“.
