Демократската партија на Албанците вечерва одржа предизборен митинг во Центарот за култура „Браќа Миладиновци“ во Струга.
Лидерот на партијата Мендух Тачи барајќи ја довербата од стружани, пред партиските членови и симпатизери вети доколку ја добијат власта ќе се борат за правата на Албанците. Според него, политичкиот противник од власта, ДУИ води кампања со стари ветувања, а нема исполнето ниту едно иако е долго време на власт.
Тачи најави фискална аменстија и албанските граѓани да бидат економски рамноправни со останатите.
– Нашиот предлог е да се донесе закон за фискална амнестија. Сметаме дека државниот буџет треба да оди кај Албанците. Тие да бидат економски рамноправни со другите граѓани и после да плаќаат давачки. Ќе воведеме и кривична амнестија за случаите „Куманово“, „Сопот“ и „Монструм“, да одат на повторно судење, со други судии и обвинители, изјави Тачи по завршувањето на митингот во Струга.
