Јас сум против промена на Уставот во делот на промена на химна, знаме и грб, рече лидерот на СДСМ Зоран Заев во вчерашното гостување во емисија на 24 ТВ
„Не е разговарано за никаква платформа, со Ахмети разговаравме како да се вратат парите назад. Будалаштини се дека ќе бидат казнувани тие што не зборуваат албански јазик. Во моментов 33 општини се двојазични. Ги манипулираат луѓето дека се воведува двојазичност или дека парите ќе бидат двојазични. Такво нешто нема. “Немојте да се плашите “, рече Заев.
Лидерот на СДСМ Зоран Заев во вчерашното гостување во емисија на 24 ТВ, претходно рече дека Ѓорге Иванов мора да ја повлече одлуката за недавање на мандатот на лидерот на опозицијата кој има поддршка од 67 пратеници.
„Иванов мора да го почитува Уставот. На крај тој ќе го даде мандатот. Има и други решенија, но редот е Иванов, да го даде мандатот“, рече Заев. Според него, тој не ја спомнувал платформата кога Никола Груевски преговарала за неа.
Заев апелираше на смиреност и да се сочува достоинството. Тој кажа дека и СДСМ може да извади народ на улици, но со таквиот чекор ќе го исполни сценариото на ВМРО-ДПМНЕ да дојде до судири.
-Стрпете се уште неколку дена, немојте да наседнувате на провокации, тоа го сакаат, рече Заев.
