Белото вино „Шардоне“ од бербата од 2015 година на винаријата „Стоби“ доби златен медал на 24. Интернационален натпревар на најдобрите вина од сортата „шардоне“ во светот кој се одржа во Франција.
На натпреварот биле оценувани 706 примероци од 38 земји, меѓу кои и од Јужна Африка, Австралија, Австрија, Канада, Чиле, Шпанија итн. Победниците биле избрани од страна на 300 вински стручњаци, а македонското вино за својот квалитет доби златен медал.
