„Форумот на слободоумни патриоти најжестоко реагира на обидот на лажниот патриот Никола Груевски да се скрие зад партијата и зад народот“, соопштуваат денеска од Форумот на слободумните патриоти.
Сакаме јавно да го прашаме лажниот патриот Груевски каде беше да мисли на народот, кога:
• Илјадници млади луѓе се иселуваа од Македонија додека тој за џабалак купуваше плацеви на Водно!
• Во континуитет беа казнувани граѓаните од разни разни инспекци!
• Се собираа пари за да се лекуваат стотици деца и млади луѓе, додека тој градеше непотребни и нефункционални објекти како панорамското тркало!
• Жестоко се пресметуваше тој и неговите полтрони со политичките неистомисленици!
• Се дозволија 30000 рамковни вработувања, луѓето седат дома и земаат плата без ништо да работат, а сето тоа го плаќа народот!
• Се амнестираа Хашките случаи, злосторства против Македонци од 2001 година!
• Се вршеше жесток притисок врз докторите и просветните работници кои си ги бараа своите права! итн.
Списокот на злосторства против својот народ е долг!
Ги повикуваме Никола Груевски да си даде неотповиклива оставка од функцијата Претседател на ВМРО ДПМНЕ и да дозволи низ еден демократски процес да се избере ново раководство, раководство кое ќе нема никаква допирна точка со него и врхушката и нема да има хипотеки од злосторствата кои тие ги правеле.
За крај сакаме да му укажеме на Никола Груевски дека приказната после него потоп е смешна и не вродува со плод, Македонија и Македонскиот народ поминале низ многу премрежја и на крај секогаш успевале да се изборат за своите права и слободи!“, се вели уште во соопштението на ФСП.
