Денеска во Кривичниот суд ќе се одржи ново рочиште за предметот „Титаник“, во кое обвинети се поранешниот премиер Никола Груевски и поранешните функционери Мартин Протоѓер, Кирил Божиновски, Миле Јанакиески, Гордана Јанкулоска, како и уште 16 други лица.
Тие се осомничени од Специјалното јавно обвинителство за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања во 2012 година.
