Бугарскиот премиер Кирил Петков на состанок на Советот на министри изјави дека во Бугарија нема независно обвинителство.
– Повторно се соочуваме со апсолутна саботажа од Обвинителството на Република Бугарија под раководство на Иван Гешев. Се прикриваат обвиненија што лесно можеме да ги најдеме. Информациите добиени од изнуденото лице се прикриваат и игнорираат, за да не се спроведе законска истрага, изјави бугарскиот премиер Кирил Петков.
Наводите на Петков доаѓаат откако поранешниот премиер и лидер на ГЕРБ, Бојко Борисов, беше приведен 24 часа во специјална операција во четвртокот доцна навечер, заедно со Севделин Арнаудов од службата за односи со јавноста на Борисов и поранешниот министер за финансии Владислав Горанов.
По ослободувањето, од државното обвинителство изјавија дека немаат доволно податоци за нивно приведување како обвинети.
