Генералниот секретар на ОН, Бан Ки-мун, ги повика денеска сите завојувани страни во светот да прогласат примирје и да го положат оружјето за време на Олимписките игри во Бразил.
Тој истакна дека Меѓународниот олимписки комитет и ОН имаат блиска соработка во врска со „глобалниот мир и хармонија“.
– Им честитам на сите спортисти и навивачи кои во следните недели ќе ги исполнат спортските сали во Рио. Олимписките и Параолимписките игри го слават најдоброто од човештвото – изјави Бан.
Генералното собрание на ОН, во кое членуваат 193 земји, од 1993 година усвојува резолуции, со кои се бара за време на Олимписките игри да се применува прекин на огнот.
Летните Олимписки игри во Рио де Жaнеиро ќе се одржат од 5 до 21 август.
