Тренерот на Црвена Звезда Дејан Станковиќ даде обемно интервју за познатиот италијански портал „Тутомеркато“ во кое зборуваше за Црвена Звезда, ривалството со Партизан, Лацио, Интер, дуелот со Милан, но и пријателството со прославениот Швеѓанец Златан Ибрахимовиќ.
Станковиќ откри дека Златан приватно е потполно спротивно од се што луѓето можат да видат на ТВ екраните и социјалните мрежи.
“Ибра е сосема поинаков од она што го гледате на ТВ. Би рекол дека вистинскиот Златан Ибрахимовиќ е целосна спротивност. Вистинскиот Златан е скромен и срамежлив. Кога сме со пријателите, тој е резервиран. Можеби сега ја открив неговата тајна, но тој е таков, „да го намачкаш на леб“ “, рече Станковиќ.
Поранешниот ас на Интер истакнува дека славниот напаѓач има големо срце и дека неговите човечки вредности се голем плус за „росонерите“.
“Има огромно срце, верувајте ми. Неодамна наполни 40 години и ја користам оваа прилика повторно да му честитам. Задоволен сум што тој се уште е на теренот на оваа возраст и што се бори како лав. Неговите човечки квалитети се додадена вредност за Милан, тој на 40 -годишна возраст, знае што може да направи на теренот и балансира сам “, додаде Станковиќ.
The post Дејан Станковиќ ја откри големата тајна за Ибрахимовиќ – Каков е Златан во вистинскиот живот? appeared first on Спорти.
Powered by WPeMatico
