Филмот „Џган“ на режисерот и сценарист Вардан Торзија ја освои главната награда „Златен светилник 2017“ на Филмскиот фестивал во Отранто, Италија.
Македонски продуцент на филмот е Дрим Фектори, ко-продуцент е Red helicopter films од Албанија. Филмот е финансиски поддржан и од Агенцијата за филм на Република Македонија и SEE Cinema network.
Покрај наградата во Италија, филмот „Џган“ ја освои и FIPRESCI наградата на жирито на годинашниот ПРИФЕСТ во Приштина и главната награда на филмскиот фестивал во Китзбил, Австрија.
Главните улоги ги толкуваат Мартин Ѓоргоски, Дениз Абдула и Никола Ристановски. Од останатата актерска екипа играат Сара Климоска, Љупчо Тодоровски, Адем Карага, Горан Стојановски, Игор Стојчевски, Борис Дамовски, Марија Кондовска, Ристо Буразденов, Мартин Живковски и други.
