Во рамки на драмската програма на „Охридско лето“ вчерa на Големата сцена на Центарот за култура „Григор Прличев“, премиерно беше изведена претставата „Едвард Втори“ во режија на Андиј Жолдак, а работена според текст на Кристофер Марлоу, вкопродукциски проект на НУЦК Театар „Јордан Х.К. Џинот“ од Велес и Драмскиот театар „Н.О. Масалитинов“ од Пловдив, Бугарија.
Во претставата главниот лик Едвард Втори е поделен на две улоги кои истовремено ги реализираа двајца актери, Илин Јованоски и Бугаринот Борис Крстев. Во главната женска улога пак, настапи Јована Миладинова, која дебитираше на театарските штици.
Костимографи на претставата „Едвард Втори“ се Грузиецот Симон Мачабели и извонредниот македонски костимограф Раде Василев.
По фестивалската премиера на „Охридско лето“ поставката на 9 септември ќе се игра на матичната сцена на Театарот во Велес и на 14 септември во Пловдив, а закажани се и неколку изведби на значајни драмски фестивали во регионот.
