Поранешната министерка за внатрешни работи, Гордана Јанкулоска, придружувана од нејзиниот адвокат, Никола Додевски, денеска во 10 часот дојде на распит во Специјалното јавно обвинителство, јавува Алсат-М.
Од Специјалното јавно обвинителство, ниту ја потврдуваат, ниту ја демантираат информацијата, а нема информации зошто и за кој случај е повикана Јанкулоска во СЈО.
Јанкулоска е осомничена во повеќе случаи што ги отвори ова Обвинителство, но досега нема покренато обвинение против нејзе. Неколку пати беше на распит во СЈО и во Судот и според нејзе, истрагите на ова Обвинителство се политички монтирани.
