Цените на бензинот Еуросупер БС-95 и Еуродизел од полноќ ќе се зголемат за половина денар по литар, додека бензинот Еуросупер БС-98 поскапува за еден денар за литар.
Новата цена на дизел горивото од вечерва ќе изнесува 77 денари за литар, бензинот Еуросупер БС-95 ќе чини 82 денари за литар, а Еуросупер БС-98 ќе се продава за 84,5 денари за литар.
Малопродажната цена на екстра-лесното масло за домаќинство се зголемува за 1,5 денари и од ноќеска ќе чини 76,5 денари за литар. Поскапува и мазутот и новата цена ќе изнесува 42,262 денари за килограм.
