Министерството за здравство информира дека претпладнево, министерот за здравство, Венко Филипче ќе одржи состанок со Комисијата за заразни болести и комисијата за следење и информирање за состојбата со коронавирусот. Состанокот ќе се одржи во проширен состав, а на него ќе присуствуваат и искусни експерти од различни области.
Меѓу другото, на средбата ќе се дискутира и за евентуални нови засилени мерки за заштита на населението и превенција од натамошно ширење на вирусот кои Комисијата ќе ги достави како предлог до Владата.
Препораките ќе бидат на дневен ред на денешната седница на Влада, а одлуката на Владата ќе биде соопштена на прес конференција веднаш по завршување на седницата.
Министерството за здравство информира и дека, по информацијата добиена од Клиниката за инфективни болести и фебрилни состојби, здравствената состојба на сите седум пациенти, кои се позитивни на корона вирусот и се хоспитализирани на клиниката е стабилна.
