Афери, алкохол, поткуп, умирање, измама – ова се зборовите кои најчесто се споменуваат во врска со Светското првенство во 2022 година што оваа година ќе се игра во Катар.
Дури денеска трицифрено одбројуваме до Светското првенство. Остануваат точно 100 дена до почетокот на Мундијалот во фудбал.
Официјалното отворање на ова натпреварување е закажано за 21 ноември, но првиот натпревар ќе се одигра ден порано.
Претстојното натпреварување предизвикува веројатно најголем интерес во историјата на фудбалот од различни причини. И сите имаат едно нешто заедничко – немаат никаква врска со самиот фудбал.
Зима
Прво Светско првенство во историјата на фудбалот што ќе се организира во зима. Нема сомнеж дека ќе ни биде чудно во Европа да го следиме Светското првенство во фудбал, додека надвор има снег. Со сето тоа, температурите во Катар сигурно ќе бидат високи (30-35 степени), а поголем проблем е влажноста на воздухот која е околу 60%.
Пиво
Продажбата на алкохол е забранета во Катар, но за Мундијалот ќе биде дозволена до одреден степен и по одредени цени. Сигурно нема да биде ни приближно масовно како што е случај со кое било друго Светско првенство. Пивото ќе се продава само во посебни зони за навивачи, цената се очекува да биде 10-15 евра.
Измама
Целата приказна како Катар го доби Светското првенство е проследена со бројни контроверзи и махинации. Имаше и многу апсења поради вмешаност во самото добивање на Светското првенство кое ФИФА му го даде на Катар.
Смрт
Повеќе од 6.500 луѓе загинаа при изградбата на стадионот поради нехуман третман на работниците и нехумани временски услови за работа. Но, катарските власти никогаш не го признаа тоа, за нив само 37 лица загинаа на градилиштата.
The post ОДБРОЈУВАМЕ – Уште точно 100 дена до стартот на најчудниот Мундијал во историјата на фудбалот 2022 во Катар! appeared first on Спорти.
Powered by WPeMatico
