Од денеска до сабота (25, 26 и 27.03.2021) Министерството за внатрешни работи ќе преземе мерки за посебен режим на сообраќајот по сообраќајниците на поширокото централно подрачје на град Скопје, поради официјалната посета на Република Северна Македонија на командантот на Здружените сили на НАТО за Европа, адмирал Роберт Бурк.
Секторот за внатрешни работи Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.
