1 ЈУНИ (САБОТА) 20:15 ч.
2 ЈУНИ (НЕДЕЛА) 18:00 ч.
ЛЕНА И ВЛАДИМИР
(Lena and Vladimir)
Игран филм, Македонија, Србија
2023, 95 мин., колор, ДЦП
Режија: Игор Алексов (Igor Aleksov)
Сценарио: Александар Русјаков (Aleksandar Rusjakov)
Улоги: Тони Наумовски, Сара Климоска, Дениз Абдула, Петар Мирчевски, Благоја Чоревски, Петре Арсовски (Toni Naumovski, Sara Klimovska, Deniz Abdula, Petar Mirchevski, Blagoja Corevski, Petre Arsovski)
Судбината спојува двајца бегалци, Владимир, 40-годишен маж кој ја изгубил сета своја љубов и Лена, 16-годишна девојка која никогаш немала љубов. Тие си помагаат еден на друг да ја откријат љубовта кон животот.
Возрасна категорија: 16 години
Влезница: 150 денари
1 ЈУНИ (САБОТА) 18:00 ч.
18 ЈУНИ (ВТОРНИК) 18:00 ч.
АНАТОМИЈА НА ПАДОТ
(Anatomie d’une chute)
Игран филм, Франција
2023, 152 мин., колор, ДЦП
Режија: Жастин Триет Толедано (Justine Triet)
Сценарио: Жастин Триет, Артур Харари (Justine Triet, Arthur Harari)
Улоги: Сандра Хулер, Свон Арло, Мило Мачадо – Гранер (Sandra Hüller, Swann Arlaud, Milo Machado-Graner)
Кога нејзиниот сопруг мистериозно умира, паѓајќи од балкон, писателката и мајка Сандра Војтер станува главен осомничен. Единствен сведок на прераната смрт на сопругот е нејзиниот слеп син, што дополнително ја комплицира ситуацијата. Сандра мора да се соочи со последиците од чувањето тајни, справувајќи се со судењето за убиство на нејзиниот сопруг, додека нејзиниот невин син мора да избере помеѓу семејната лојалност и вистината.
АНАТОМИЈА НА ПАДОТ (Anatomie d’une chute) е возбудлив судски трилер, во режија на Жастин Триет. Во филмот таа ја испитува тенката линија кога вистината станува фикција, а фикцијата вистина. Употребувајќи го минималистичкиот интензитет на камерната драма – и користејќи сложена, елипсовидна монтажа – Триет конструира мистерија која на крајот е помалку за смртта колку за скриените животи што ги водиме.
Филмот ја имаше својата премиера на 76-тото издание на Кански филмски фестивал во 2023 година, каде што ја освои Златната палма. Филмот е добитник на два Златни глобуса, како и Оскар за најдобро оригинално сценарио.
Возрасна категорија: 16 години
Влезница: 150 денари
4 ЈУНИ
Тајниот код на Константин
2 ЈУНИ (НЕДЕЛА) 20:15ч.
20 ЈУНИ (ЧЕТВРТОК) 18:00 ч.
24 ЈУНИ (ВТОРНИК) 20:15 ч.
28 ЈУНИ (ПЕТОК) 20:15ч.
ПРИСИЛА
(Priscilla)
Игран филм, САД
2023, 114 мин, ДЦП
Режија: Софија Копола (Sofia Coppola)
Сценарио: Софија Копола (Sofia Coppola)
Улоги: Кајли Спени, Џејкоб Елорди (Cailee Spaeny, Jacob Elordi)
Филмот започнува со раниот живот на Присила, следејќи го нејзиниот пат од млада девојка до жена која се соочува со притисоците на славата и сопствениот идентитет. Копола користи суптилни, но моќни методи на раскажување, избегнувајќи мелодрама и фокусирајќи се на нијансираниот емоционален пејзаж на искуствата на Присила.
Присила, во режија на Софија Копола, е интроспективна и емотивна драма која го истражува животот на Присила Пресли, нудејќи уникатна перспектива на нејзината врска со Елвис Пресли и нејзиното патување кон самооткривање. Филмот, базиран на мемоарите на Присила Пресли Елвис и јас, се нурнува длабоко во комплексноста на нивната врска, претставувајќи наратив што е и интимен и рефлективен.
Кајли Спени, која ја толкува Присила, дава фасцинантна изведба. Таа ја претставува невиноста, силата и ранливоста на Присила со длабочина што го прави нејзиното патување длабоко, суштинско. Џејкоб Елорди, кој го игра Елвис, исто така е одличен.
Присила е приказна за себепронаоѓањето, идентитетот. Филмот ги истражува предизвиците на живеењето во сенка на некој друг и борбата за пронаоѓање на сопствениот глас. Оваа тема на самооткривање е универзална и длабоко резонира, правејќи ја приказната на Присила не само лична победа, туку и инспирација за секој што го пронаоѓа својот пат.
Кинематографијата на Филип Ле Сур е визуелно импресивна. Продукцискиот дизајн е исто така импресивен, со верна реконструкција на 1960-тите и 1970-тите години. Костимографката Стејси Батат заслужува посебно внимание, бидејќи гардеробата не само што го рефлектира времето, туку и служи како визуелен наратив за трансформацијата на Присила.
6 ЈУНИ (ЧЕТВРТОК) 18:00 ч.
26 ЈУНИ (СРЕДА) 18:00 ч.
ВКУСОТ НА ЉУБОВТА
(La Passion de Dodin Bouffant,)
Игран филм, Франција, Белгија
2023, 135 мин., колор, ДЦП
Режија: Ан Хунг Тран (Anh Hung Tran)
Сценарио: Ан Хунг Тран (Anh Hung Tran)
Улоги: Жулиет Бинош, Беноа Магимел, Емануел Салингер (Juliette Binoche, Benoit Magimel, Emmanuel Salinger)
Ненадминатата готвачка Ежини последниве дваесет години работи за познатиот гурман Доден. Како што минува времето, гастрономската пракса и меѓусебното восхитување прераснуваат во романтична врска. Нивната поврзаност создава јадења, секоја повкусна од претходната, кои ги збунуваат и најпознатите светски готвачи.
Возрасна категорија: 16 години
Влезница: 150 денари
6 ЈУНИ ((ЧЕТВРТОК) 20:15 ч.
МИЛЧО МАНЧЕВСКИ – Спотовите на Милчо Манчевски
6 ЈУНИ ((ЧЕТВРТОК) 20:00 ч.
МИЛЧО МАНЧЕВСКИ – Спотовите на Милчо Манчевски
Македонската публика ќе има ретка можност да види селекција од кратките филмски дела на Милчо Манчевски. Познат по неговите филмски дологметражни ремек дела како Пред Дождот, Прашина, Сенки, Милчо Манчевски има подеднакво импресивен опус од повеќе од педесетина различни кратки филмски форми.
Станува збор за разновидна селекција составена од дваесетина аудиовизуелни дела. Покрај наградуваните кратки филмови ЧЕТВРТОК /Thursday (2013) и КРАЈОТ НА ВРЕМЕТО/The End of Time (2017), ќе имаме можност да ги погледнеме музичките спотови кои се работени за најголемите издавачки куќи: Атлантик, Ворнер брадерс, Сони, Еми, РЦА, Крисалис, Валјд Пич… Би го споменале спотот Тенеси/Tennesse на легендарниот хип хоп состав Arested development од 1992 година, за кој Манчевски ја има добиено наградата на МТВ за најдобар музички рап спот и е прогласен за најдобар спот за 1992 година, според магазинот Билборд. Спотот исто така е влезен во листата на стоте најдобри спотови на сите времиња на магазинот Ролинг Стоун. Во селекцијата ќе можеме да ги видиме и рекламите од рекламните кампањи за Скопско и Macedonia Timeless…
Милчо Манчевски ја користи својата режисерска вештина и во музичките спотови, создавајќи визуелно и емоционално богати минијатури кои оставија длабок впечаток на македонската и светската музичка сцена. Неговите спотови се карактеризираат со иновативни визуелни решенија, длабока симболика и умешно раскажување приказни, правејќи го секој спот уникатно аудиовизуелно искуство.
Манчевски е познат по својата визуелна естетика, што се пренесува и во неговите музички спотови. Неговата употреба на светлина, сенки и кадрирање создава специфична атмосфера која го подобрува искуството на слушање музика. Секој спот е внимателно конструиран со цел да го пренесе чувството и пораката на песната, користејќи богат спектар на визуелни техники. Манчевски честопати користи природни пејзажи и урбани сцени како позадина, што му придава дополнителна димензија на наративот.
Музичките спотови на Манчевски не се само визуелно импресивни, туку и симболично богати. Тој успева да раскаже сложени приказни во краток временски формат, користејќи симболи и метафори кои ги прошируваат значењата на песните. Неговите спотови често ги истражуваат темите на љубовта, загубата, надежта и човечката природа, нудејќи длабоки емоционални искуства за гледачите. Способноста на Манчевски да спои визуелна поезија со музиката го прави секој спот своевидно уметничко дело.
Една од најзабележителните карактеристики на спотовите на Манчевски е неговата употреба на боја и текстура. Тој користи палета на бои што го рефлектира расположението на песната, додавајќи му длабочина и комплексност на визуелниот приказ. Текстурите, без разлика на тоа дали се груби површини, мазни линии или сложени орнаменти, се исто така клучен елемент што го збогатува визуелното искуство и го прави секој кадар значајно естетски задоволство.
Милчо Манчевски успева да создаде музички спотови кои се вистински уметнички дела, комбинирајќи ја својата филмска експертиза со длабоко разбирање на музиката и емоциите. Неговите спотови не само што ја збогатуваат песната, туку ѝ додаваат нови слоеви на значење и емоција. Со иновативни визуелни решенија, богата симболика и внимателна монтажа, Манчевски создава спотови што остануваат во меморијата на гледачите долго по завршувањето на песната.
7 ЈУНИ (ПЕТОК) до 13 ЈУНИ (ЧЕТВРТОК)
ФИЛОЗОФСКИ ФИЛМСКИ ФЕСТИВАЛ
15 ЈУНИ (САБОТА) 18:00 ч.
22 ЈУНИ (САБОТА) 18:00 ч.
https://www.youtube.com/embed/IjtxyJ0Ije4
МЛАДИОТ ВИНЕТУ И ИЗГУБЕНИТЕ БИВОЛИ
(Der junge Häuptling Winnetou)
Игран филм, Германија
2022, 103 мин., колор, ДЦП
Режија: Мајк Марзук (Mike Marzuk)
Сценарио: Мајк Марзук, Карл Меј, Геса Шајбнер (Mike Marzuk, Karl May, Gesa Scheibner)
Улоги: Мика Улриц, Мило Хаф, Лола Линеа Падотцке) (Mika Ullritz, Milo Haaf, Lola Linnéa Padotzke)
12-годишниот син на поглаварот, Винету, се замислува себеси како голем воин, додека неговиот татко, Инчу Чуна, верува дека уште многу треба да научи. Кога стадото биволи нема да се врати со што ќе го загрози опстанокот на племето, Винету ја користи можноста да се докаже пред татка си. Заедно со сестра му Ншо-Чи и младиот сираче Том, Винету тргнува во опасна авантура да ги спаси Апачите.
Возрасна категорија: 8 години
Влезница: 150 денари
14 ЈУНИ (ПЕТОК) 18:00 ч.
25 ЈУНИ (ВТОРНИК) 18:00 ч.
27 ЈУНИ (ЧЕТВРТОК) 18:00 ч.
ЉУБОВ И КРВОПРОЛЕВАЊЕ
(Love Lies Bleeding)
Игран филм, Велика Британија, САД
2023, 135 мин., колор, ДЦП
Режија: Роз Глас (Rose Glass)
Сценарио: Роуз Глас, Вероника Тофилска (Rose Glass, Weronika Tofilska)
Улоги: Кристен Стјуарт, Ана Баришников, Дејв Франко, Кети М. О‘Брајан, Џена Малоне, Ед Харис (Kristen Stewart, Anna Baryshnikov, Dave Franco, Katy M. O’Brian, Jena Malone, Ed Harris)
Од режисерката Роуз Глас ни додаѓа нова љубовна приказна. Менаџерот Лу се заљубува во амбициозната бодибилдерка Џеки, која патува за Лас Вегас во потрага по нејзиниот сон. Произлезената љубов го разгорува насилството, вовлекувајќи ги сè подлабоко и подлабоко во мрежата на криминалното семејство на Лу.
Возрасна категорија: 16 години
Влезница: 150 денари
14 ЈУНИ (ПЕТОК) 20:15 ч.
Д ХИП – БРАИНСТОРМ
(The Hip – Brainstorm)
Документарен филм, Македонија
2020, 95 мин, ДЦП
Режија: Јане Алтипармаков (Jane Altiparmakov)
Сценарио: Јане Алтипармаков, Љубиша Петрушевски (Jane Altiparmakov, Ljubisa Petrusevski)
Тhe Hip-Brainstorm е продолжение, своевидно документарно надополнување на долгометражното ДВД-видео издание The Hip-Reality Overdrive. Долгометражниот видео/филм е во режија и продукција на Јане Алтипармаков, а автор на оригиналната идеја е Љубиша Петрушевски. Продуцент и монтажер е Михаил Димитров, звучниот дизајн е на Валентин Видовиќ. Директор на фотографија е Наташа Гелева, снимател е Ања Илиева. На монтажата работеа и Зоран Чаневски и Димитар Илиевски. Во филмот се појавуваат: Васко Атанасовски (Бернајс Пропаганда, Балкан Велики), Toшо Филиповски – автор на првата сеопфатна македонска рок енциклопедија, Саша Павловиќ (Suns), Ивица Димитриевиќ (SIZ), Мирко Попов (PMG Kolektiv), Костадин Шурбановски (Канал 103), Сеад Хаџиќ (Last Expedition, Mooger Fooger), членови на групатa The Hip, Morbid Joker, Музичка Младина. Во филмов ексклузивно се измонтирани архивски снимки од настапите на Електрични Оргазам, Екатарина Велика, легендарните Nirvana, Psychic TV, Buzzcocks, Sonic Youth, Young Gods.
Долгометражниот проект е добитник на специјалната награда за музички филм, на манифестацијата МАН-Македонски Алтернативни Награди.
17 ЈУНИ (ПОНЕДЕЛНИК) 20:00 ч.
ДА ЖИВЕЕ ЗАПАТА!
(Viva Zapata!)
Игран филм, САД
1959, 113 мин., црно бел, 35мм
Режија: Елија Казан (Elia Kazan)
Сценарио: Џон Штајнбек, Еџкамб Пинчон (John Steinbeck, Edgecumb Pinchon)
Улоги: Марлон Брандо, Џин Питерс, Ентони Квин (Marlon Brando, Jean Peters, Anthony Quinn)
ДА ЖИВЕЕ ЗАПАТА! е американски вестерн филм од 1952 година, во кој имаат вмешано прсти големи имиња како великанот на американскиот и светскиот филм, режисерот Елија Казан, големиот американски писател Џон Штајнбек се потпишува како сценарист на адаптацијата на книгата на Едкомб Пинчон од 1941 година (Запата, непобедливиот водaч) и главната улога ја игра Марлон Брандо, редовниот соработник на Елија Казан. За неговата работа со Брандо, Казан ќе напише: „Понекогаш најдобрата режија се состои од читање на лицето на актерот и, кога ќе ја видите вистинската работа таму, едноставно кимнете со главата. Неколку зборови, допир и насмевка ќе го направат тоа. Потоа чекајте чудо со Марлон, тоа често се случуваше”
Оваа соработка помеѓу Марлон Брандо и Елија Казан, можеби не е толку позната како ТРАМАВАЈОТ НАРЕЧЕН ЖЕЛБА или НА ДОКОВИТЕ НА ЊУЈОРК, но е сè уште релевантна и стилски свежа со одлична кореографија на акционите сцени и монтажа под влијание на Ајзенштајн и руската монтажна школа.
ДА ЖИВЕЕ ЗАПАТА! е приказна за прочуениот мексикански револуционер Емилијано Запата (игран од Марлон Брандо) и неговиот пат од сточар до водач на востанието против корумпираната, угнетувачка диктатура на претседателот Порфирио Дијаз на почетокот на 20 век. Запата, неговиот брат Еуфемио (Ентони Квин) и бунтовникот Панчо Вила (Алан Рид) се здружуваат, поддржани од политичкиот противник на Дијаз, Франциско Мадеро (Харолд Гордон). Но, кога администрацијата на Мадеро, особено генералот Викторијано Хуерта (Френк Силвера), ќе се покаже исто толку корумпирана како и онаа што ја замени, Запата се одлучува да продолжи со борбата.
Возрасна категорија: 16 години
Влезница: 150 денари
18 ЈУНИ (ВТОРНИК) 20:00 ч.
ГОРИ! / КВЕИМАДА- ОСТРОВОТ ВО ПЛАМЕН
(Burn! /Queimada)
Игран филм, Италија
1969, 112 мин., колор, 35мм
Режија: Џило Понтекорво (Gillo Pontecorvo)
Сценарио: Франко Солинас, Џорџо Арлорио (Franco Solinas, Giorgio Arlorio)
Улоги: Марлон Брандо, Еваристо Маркез, Ренато Салватори (Marlon Brandо, Evaristo Márquez, Renato Salvatori)
За време на златното доба на колонијализмот, британските власти испраќаат агент на еден тропски остров под португалска власт. Неговата задача е да ги поттикне робовите на бунт, за да може Британија да го преземе овој остров, познат по одгледувањето на шеќерна трска. Меѓутоа, кога Британците го заземаат островот и формално го укинуваат ропството, поранешните робови дознаваат дека наемната работа е исто така форма на ропство и одлучуваат повторно да се побунат.
ГОРИ! е измислена историска драма од 1969 година, во режија на познатиот италијански режисер Гило Понтекорво познат по неговиот антивоен филм во неореалистечн манир – БИТКАТА ЗА АЛЖИР – за кој ја има добиено главна награда на Канскиот фестивал во 1966 година.
Станува збор за голема продукција, снимен е на различни локации низ светот и содржи големи имиња, како Енио Мориконе, кој ја компонира музиката на филмот, и Марлон Брандо, кој ја игра главната улога. Не е случајно што овој амбициозниот еп на Понтекорво има потсетува на шпагети вестерните – каде главниот конфликт е изграден на цинични двојни измами и лични предавства. Продуцент на филмот е италијанскиот и американскиот продуцент Алберто Грималди, познат по како продуцент на вестерн класиците (ЗА НЕКОКУ ДОЛАРИ ПОВЕЌЕ, ДОБРИОТ ЛОШИОТ ГРДИОТ) како и филмовите ПОСЛЕДНОТО ТАНГО ВО ПАРИЗ и БАНДИТЕ НА ЊУЈОРК.
ГОРИ! на едноставен и разбирлив начин го отвора прашањето за слободата, борбата за слобода, различните толкувања и пристапи кон проблемите на угнетувањето и колонијализмот, како и антиколонијалната борба, конфликтот меѓу колонизаторите и колонизираните.
Возрасна категорија: 16 години
Влезница: 150 денари
19 ЈУНИ (СРЕДА) 20:15 ч.
25 ЈУНИ (ВТОРНИК) 20:15 ч.
ВРЕМЕ НА БЕТОН
(Concrete Time)
Документарен филм, Македонија
2024, 75 мин, ДЦП
Режија: Игор Иванов (Igor Ivanov)
Сценарио: Игор Иванов, Томи Салковски (Igor Ivanov, Tomi Salkovski)
Наратор: Никола Ристановски (Nikola Ristanovski)
„Време на бетон“ ја раскажува приказната за Скопје, поточно неговата архитектонско-урбанистичка историја. Тагата за еден „организам“ од челик, бетон и стакло, една метропола на солидарноста која речиси како да доаѓа од иднината. Документарниот филм во основа својот фокус го става на модерната, посебно на кусата ера на брутализмот. Во својата фрагментарност, документарецот не случајно е поставен како литературно-репортерска нарација која, меѓу другото, како цитат, потсетува на оние квалитетни телевизиски емисии со информативна и едукативна содржина кои веќе одамна ги нема во нашата продукција.
„Време на бетон“ е снимен по сценарио на Иванов и Томи Салковски, кој е и продуцент. Автор на нарацијата која го води филмот е новинарот Ѕвездан Георгиевски, а наратор е актерот Никола Ристановски. Соработници на сценариото се Мишко Ралев и Јордан Минов, изборот и изведбата на музиката е на пијанистката Дуња Иванова. Кинематографер е Ѓорѓи Клинчаров, монтажата на Дејан Смилески, а дизајнот на звук е на Игор Поповски.
Возрасна категорија: 16 години
Влезница: 150 денари
22 ЈУНИ (САБОТА) 20:00 ч.
АПАЛУСА / ЈУГОЗАПАДНО ОД СОНОРА
(The Appaloosa)
Игран филм, САД
1966, 99 мин., колор, 35мм
Режија: Сидни Џ. Фурие (Sidney J. Furie)
Сценарио: Џејмс Бриџес, Роланд Киби (James Bridges, Roland Kibbee)
Улоги: Марлон Брандо, Анжанет Комер, Џон Саксон (Marlon Brando, Anjanette Comer, John Saxon)
АПАЛУСА (The Appaloosa), е американски вестерн филм од 1966 година во режија на канадскиот режисер Сидни Фурие. Главните улоги ги толкуваат Марлон Брандо, Ањанет Комер и Џон Саксон.
Приказната се случува на Дивиот Запад во 1870-тите години. Брандо го игра Мет Флечер, мексиканско-американски ловец на бизони, вечен осаменик кој се враќа на пропаднатата фарма на границата со Мексико што ја водат децата на луѓето кои го одгледале. Тој носи пастув од проучуената раса шарени коњи Апалуса и доволно пари за да основа ранч со коњи. Но, постојано е малтретиран и понижуван од генералот разбојник Медина. Кога разбојникот ќе му го украде коњот и ќе побегне во Мексико, Мет тргнува во одмазничка мисија.
Возрасна категорија: 16 години
Влезница: 150 денари
26 ЈУНИ (СРЕДА) 20:15 ч.
ОРУЖЈЕ И ЛУЃЕ
(As Armas e o Povo)
Документарен филм, Португалија
1975, 78 мин., колор, ДЦП
Режија: Колектив на работниците за кинематографската дејност (Colectivo dos Trabalhadores da Actividade Cinematográfica)
ОРУЖЈЕ И ЛУЃЕ (As Armas e o Povo) е најпознатиот филм за португалската „Револуција на каранфилите“. Група на филмски режисери со рачни камери излегуваат на улиците на Лисабон за време на револуционерната недела од 25 април до 1 мај 1974 година и ги снимаат бурните политички случувања. Филмот ги комбинира големите движења на масите со говорите на Марио Соареш и Алваро Кунал и ослободувањето на политичките затвореници со улични интервјуа направени од бразилскиот режисер Глаубер Роча. Овој филм е непроценлив историски документ, создаден во центарот на настаните од група од дваесетина португалски режисери и филмаџии кои се потпишуваат како „Колективот на работниците во кинематографската дејност“. ОРУЖЈЕ И ЛУЃЕ е манифест за односот меѓу киното и политиката, не само како обичен набљудувач на настаните, туку пред сè како активен учесник во револуционерниот чин.
Возрасна категорија: 16 години
Влезница: 150 денари
27 ЈУНИ (ЧЕТВРТОК) 20:15 ч.
ТРАС ОС МОНТЕС
(Trás-os-Montes)
Игран филм, Португалија
1976, 111 мин., колор, ДЦП
Режија: Антонио Реис, Маргарида Мартинс Кордеиро (António Reis, Margarida Martins Cordeiro)
Сценарио: Антонио Реис, Маргарида Мартинс Кордеиро (António Reis, Margarida Martins Cordeiro)
Улоги: Албино С. Педро, Карлос Маргаридо Маргарида Мартинс Кордеиро (Albino S. Pedro, Carlos Margarido, Margarida Martins Cordeiro)
ТРАС ОС МОНТЕС (Trás-os-Montes) е португалска независна етнографска докуфикција од 1976 година, напишана, режирана и монтирана од Антонио Реис и Маргарида Кордеиро.
Trás-os-Montes еден од репрезентативните филмови на португалското Ново кино (Novo Cinema).
Филмот е сниман за 70 работни дена, во три различни фази. Антонио Реис и Маргарида Кордеиро патуваат десет илјади километри и поминуваат десет месеци во монтажа. Актерската екипа е составена од натуршчици, жители на Bragança и Miranda do Douro.
Филмот е една од првите португалски докудрами, со лиричност во изразот и нелинеарна нарација. Поточно, станува збор за „етнофикција“ која портретира типични карактери од североисточниот дел на Португалија, прикажувајќи ги народните обичаи во величествен рурален амбиент.
Возрасна категорија: 16 години
Влезница: 150 денари
28 ЈУНИ (ПЕТОК) 20:00 ч.
МАСКАРАС
(Máscaras)
Документарен филм, Португал
1976, 110 мин., колор, ДЦП
Режија: Ноемиа Делгадо (Noémia Delgado)
Сценарио: Бенјамин Переира, Ернесто Веига де Оливеира (Benjamim Pereira, Ernesto Veiga de Oliveira)
МАСКАРАС ги документира подготовките и самите ритуалите што се одржуваат во регионот Трас-ос-Монтес во северна Португалија како дел од прославата на „Зимскиот циклус“, серија празници што траат од Божиќ до Чиста Среда. Зимскиот циклус сè уште се слави во многу региони во Европа, посебно во алпските, словенските и балканските земји, во форма на ритуали кои ги изведуваат маскирани протагонисти. Во повеќето случаи, овие маскирани протагонисти ја играат улогата на ликови земени од традицијата и фолклорот. Многу такви ликови – демони и духови – имаат јасна поврзаност со мртвите. Разумно е да се претпостави дека во далечните времиња овие ликови биле дел од ритуалите што се одржувале во врска со култот на мртвите. Во Португалија, вакви ритуали на маски, може да се најдат во руралните и неразвиените делови на Трас-ос-Монтес, каде што се одржуваат за да одбележат различни празници од зимскиот циклус – Божиќ, Денот на Свети Стефан, Феста дос Рапазес или „Празник на Младинците“, Нова Година, Водици и Чиста Среда.
Возрасна категорија: 16 години
Влезница: 150 денари
28 ЈУНИ (ПЕТОК) 20:30 ч.
ФЕМИНА
„Проекција на кратки видео арт филмови со домашни и меѓународни автори во рамките на проектот „Фемина“ на кураторката Јана Манева-Чупоска во соработка со ДЛУМ и во рамките на овогодинешната програма на Скопско културно лето 2024 год.“
29 ЈУНИ (САБОТА) 20:15 ч.
БЕГАЛЕЦ
(A Fuga)
Игран филм, Португалија
1978, 110 мин., колор, ДЦП
Режија: Луис Филипе Рока (Luís Filipe Rocha)
Сценарио: Луис Филипе Рока, Арналдо Абоим (Luís Filipe Rocha, Arnaldo Aboim)
Улоги: Луис Алберто, Мариа до Сеу Гуера, Жозе Виана (Luís Alberto, Maria do Céu Guerra, José Viana)
Филмот е базиран на познатото бегство на Диас Лоренсо, политички затвореник во Форт Пенише, озлогласен затвор на северниот брег на Португалија за политичките неистомисленици на тогашниот диктаторски режим. БЕГАЛЕЦ го прикажува патешествието на еден политички затвореник, од наместениот судски процес, тепањето од агентите на тајната служба и неговото затворање во затворот. Таму се прикажува секојдневниот живот на затворениците и се прикажуваат типични ситуации од нивниот живот. На крај главниот лик успева да побегне и да биде слободен.
Возрасна категорија: 16 години
Влезница: 150 денари
29 ЈУНИ (САБОТА) 18:00 ч.
ЛУСИ ГАНГСТЕРКАТА
(Lucy ist jetzt Gangster/ Lucy Wanted)
Игран филм, Германија
2022, 79 мин., колор, ДЦП
Режија: Тил Ендеман (Till Endemann)
Сценарио: Оливие Накаш, Ерик Толедано (Andreas CordesTill Endemann)
Улоги: Валери Алерман, Виолета Алерман, Франциска Вулф (Valerie Arnemann, Violetta Arnemann, Franziska Wulf)
Сигурни извори тврдат дека 10-годишната Луси, една всушност тивка и симпатична ученичка од основно училиште, ќе ограби банка во пешачката зона Битигхајм-Бисинген. Нејзиниот мотив е лесен да се разбере: машината за сладолед од GLAETERIA FELICITÀ, продавницата на родителите на Луси, се расипа. На Луси ѝ требаат пари за да купи нова машина, за да го спаси семејниот бизнис.
Возрасна категорија: За целата публика
Влезница: 150 денари
30 ЈУНИ (НЕДЕЛА)
СКОПЈЕ СИНЕМА СИТИ
