На последната седница на Советот на град Скопје, во рамките на советничките прашања, советникот од Либерално демократската партија, која делува во рамките на советничката група на Сојзот на иднината, професор Д-р Зоран Шапуриќ, во рамките на прашањето до градоначалникот на град Скопје, Коце Трајановски напомена дека на штетите од поплавите од невремето што го погоди градот Скопје и околината, влијаше во голема мера и масовната безмилосна сеча на шумите на планината Скопска Црна Гора, која трае со години, а надлежните институциите не прземаат ништо да се спречи оваа сеча.
Одговарајќи на прашањето на Шапуриќ, градоначалникот Трајановски се согласи дека оваа сеча зема се поголем замав и дека тој и органите на градот Скопје во иднина ќе вложат многу поинтезивни напори во соработка со надлежните државни органи да се спречи оваа сеча.
Воедно, на седницата Шапуриќ потенцираше дека јавноста мора да биде информирана за мерките и активностите за спречување на бесправната сеча на шумите, се додава во соопштението на ЛДП.
