Министрите за надворешни работи на Македонија и на Грција, Никола Димитров и Никос Коѕијас, деновиве треба да го потпишат договорот за промена на името на Република Македонија.
На потпишувањето ќе присуствуваат и премиерите Зоран Заев и Алексис Ципрас. Уште необјавен, овој договор веќе предизвикува голем број реакции дека се прифатени речиси сите услови поставени од грчка страна.
Вчера некои грчки медиуми го објавија договорот, иако било договорено тоа да се направи по прифаќањето на овој документ од двете влади. Преводот што МКД.мк го објавува е според содржината објавена во грчкиот весник Катимерини.
