Претседателката Гордана Силјановска Давкова денеска го прими амбасадорот на Република Турција, Фатих Улусој.
На средбата беа разменети мислења за севкупните билатерални односи, што се традиционално пријателски, во духот на стратешкото партнерство меѓу двете држави и сојузништвото во НАТО алијансата.
![](https://denesmagazin.mk/wp-content/uploads/2024/06/tr_05062024-2-1024x683.jpg)
Претседателката Силјановска Давкова се заблагодари за севкупната поддршка што Турција ја дава од првите денови на македонската независност и ја истакна својата посветеност да работи на натамошно унапредување на односите меѓу двете држави во сите сфери од заемен интерес. Во тој контекст, претседателката Силјановска Давкова посочи на потребата за создавање на неопходните услови за интензивирање на соработката меѓу бизнисите од двете држави, со цел зголемување на трговската размена.
На средбата беа разменети мислења за актуелните состојби во двете земји, безбедносните и политичките случувања во регионот, како и за предизвиците во однос на македонските евроинтеграции.
Претседателката Силјаноска Давкова изрази очекување дека Турција и во иднина ќе биде конструктивен партнер и поддржувач на нашата земја на билатерален и на мултилатерален план.
На средбата беше нагласена и улогата и придонесот на турската заедница во севкупниот развој на државата.
![](https://denesmagazin.mk/wp-content/uploads/2019/12/SEMM-baner_MK.jpg)