Во Музејот на современата уметност во Скопје вечер (30 мај), со почеток во 20 часот, свечено ќе биде врачена наградата „Роман на годината“. Лауреат на наградата е романот „Вистинита но не многу веројатна историја за семејството Пустополски за куќата покрај Вардар и за четирите прстени“ од Влада Урошевиќ, во издание на „Арс Ламина“.
Наградата „Роман на годината“, што ја доделува Фондацијата за унапредување и промоција на културните вредности „Славко Јаневски“, годинава ќе биде врачена по 24. пат. Наградата се состои од плакета, оригинална статуета (авторство на скулпторот Сашо Саздовски) и паричен износ од 150 000 денари. На свеченоста во МСУ ќе настапи џез-бендот на Гоце Стефковски.
