Новиот министер за здравство Арбен Таравари изјави дека е дадена наредба за разрешување на в.д економските директори на кои им завршува мандатот. Според него останатите не можат да се разрешат, имаат договори, затоа е неопходно во Собранието што побрзо да се усвојат измената на законот за укинување на функцијата економски директор на клиниките.
Министерот Таравари кажа дека ќе бидат разрешени 7-8 в.д. директори од вкупно 14 колку што ги има во Клиничкиот Центар.
Тој исто така на својот официјален профил се обрати до Гостиварци.
“Ова е едно од најпосебните писма во мојата кариера бидејќи e посветено на Гостивар и гостиварци, градот во кој сум роден, израснат и на чија земја почива мојот покоен татко. Ја имав големата привилегија да бидам силно поддржан од вас за да бидам градоначалник на овој град во два последователни мандати.
Под слоганот Гостивар Прв, продолживме да работиме до сега кога ги пишувам овие редови со истиот мотив. Но, сега решив да се повлечам од оваа функција! Сакам да му се заблагодарам на мојот тим, на сите што работеа покрај мене со посветеност! Оние кои работеле долги часови, кои дале многу повеќе труд од својата плата, оние кои не се појавуваат и не сечат инаугурациски ленти, тие се вистинските херои кои ставиле печат на секоја нова улица, секоја градинка, училиште, парк и јавна површина.
Сакам да им се извинам на сите оние на кои не успеавме да им завршиме работа… во сиромашна земја, а особено со противничка влада каква што имавме, многу е тешко да ги исполниш обврските што ги имаш, но како и да е, политичката промена веќе се случи и ќе дојдат подобри времиња. Само зашто ја преземам целата одговорност, и ви се извинувам! Мене ќе ме замени Валбон Лимани како вршител на должноста, овој одличен човек, кој веќе го заслужува тоа место повеќе од мене. Ќе станам министер за здравство, ќе бидам ангажиран со партијата и со ВЛЕН, но секогаш ќе бидам подготвен да му помогнам на Гостивар.
На крајот, бидејќи вие сте најважни, сакам да ви се заблагодарам на вас Гостиварци! Ви благодарам на сите без никаква партиска или етничка разлика! Можеби не сте знаеле затоа што обично овие работи не се кажуваат на говори и политички собири, но вие бевте мојата сила и предизвик. Посакувам да ве направам горди на кое било место и во секое време! Секаде и во секое време треба да знаете дека мојата врата е отворена за вас затоа што за мене Гостивар ќе биде засекогаш Прв! – изјави Арбен Таравари.
