Доналд Трамп објави победа на изборите против Камала Харис. Тој рече дека победата ќе обезбеди повторно „Америка да стане голема“.
„Ова е политичка победа каква што Америка никогаш не видела. Сакам да му се заблагодарам на американскиот народ за поддршката. „Ќе се борам за вас, вашите семејства, вашата иднина. Нема да застанам додека не испорачаме силна и просперитетна Америка. Ова ќе биде златно доба за Америка“, изјави Трамп.
Доналд Трамп изјави дека „ќе ги запре војните“.
Според резултатите од 44 држави од вкупно 51, каде што гласовите се пребројани, Трамп води со 267 наспроти 224 електорски гласови на Камала Харис, демократскиот кандидат, а има мнозинство од околу пет милиони обични гласови на Американците.
Честитки за победата му испратија Нетанјаху, Зеленски, Орбан, Мицкоски, Герт Вилдерс, Емануел Макрон, Кир Стармер и други.
