Вкупно 1.734 луѓе се уапсени во Турција поради „терористичка пропаганда“ преку социјалните мрежи по обидот за воен удар на 15 јули минатата година, објави турската новинска агенција Анадолија.
„Киберполицијата“, која работи на идентификација на осомничените за терористичка пропаганда преку социјалните мрежи, досега привела најмалку 3.894 лица од вкупно 22.088 идентификувани од полицијата по неуспешниот пуч.
Вкупно 1.328 осомничени биле условно ослободени, а 1.734 лица се уапсени.
Властите тврдат дека 69.937 корисници на социјалните мрежи биле идентификувани дека најверојатно се поврзани со „пропаганда за терористички организацоо или терористички акти“.
