Полицијата на Малдиви денеска уапсила двајца судии на Врховниот суд на земјата, јавуваат светските агенции. Апсењата следуваат неколку часа откако безбедносните сили на Малдиви влегле во зградата на Врховниот суд и била прогласена вонредна состојба во земјата.
Во краткото соопштение на полицијата било наведено дека претседателот на Врховниот суд, Абдила Саид и судијата Али Хамид се обвинети за корупција.
Малдивската опозиција денеска ги повика странските влади, особено на Индија и на САД, да и помогнат на земјата од власт да биде симнат претседателот Абдул Јамин и неговиот репресивен режим.
Владата на Малдиви прогласи вонредна состојба во земјата поради политичката криза која почна со судирот меѓу шефот на државата и Врховниот суд околу ослободувањето на лидерот на опозицијата.
