(ВИДЕО) Дали е можно?! – Ова е играчот со најкратка кариера во историјата на НБА лигата!

Кошаркарот Џејмсон Кари, некогаш 51. пик на Чикаго Булс, е играчот со најмалку одиграни минути/секунди во историјата на НБА.

Бекот кој е роден во Северна Каролина во НБА одигра само 3,9 секунди, без да ја допре топката. Да, добро прочитавте – секунди.

Тоа беше на натпреварот помеѓу Клиперс и Бостон Селтикс во јануари 2010 година, а тоа беше прв и последен пат да игра во НБА.

Доби „шанса“ на 3,9 секунди до крајот на третиот период и повеќе не се врати на паркетот.

Немаше поим дека тоа ќе биде последно во неговата НБА кариера, пред се поради лошиот неспортски живот.

Тој беше талентиран играч, со просек од 40 поени во средно училиште, дури и повеќе од Мајкл Џордан кој исто така беше во таа состојба.

Следувала покана за познатиот колеџ во Северна Каролина, добил стипендија, но брзо бил уапсен бидејќи продавал марихуана на училиште.

Веднаш беше отфрлен од тимот, одземена му беше стипендијата и префрлен во државата Оклахома.

Булси го избраа во 2007 година и го испратија во развојната лига, но и таму не престана да прави проблеми кога доби кривична пријава за мокрење на улица.

Чикаго се откажа од него, па Кари се испроба во француски Ортез, но се врати во САД по само неколку натпревари, прво во Г-лигата, за да добие десетдневен договор со Клиперс.

Само два дена подоцна тој доби 3,9 секунди, пред да биде отпуштен со „благодарница“ од 100.000 долари.

Стигна до Венецуела и Италија, а крај на кариерата стави во 2014 година, кога повторно беше уапсен за марихуана, но и за поседување пиштол и давање лажна легитимација, за што помина четири месеци во затвор.

Подоцна, работел во фабрика за храна за кучиња како доставувач, возел камион и со чиста среќа бил ангажиран да работи индивидуално со децата од Оклахома Сити Тандер.

The post (ВИДЕО) Дали е можно?! – Ова е играчот со најкратка кариера во историјата на НБА лигата! appeared first on Спорти.