Граѓани на социјалните мрежи организираат блокади на патиштата, со цел да ги спречат бугарските државјани, кои најавија дека доаѓаат во Скопје на 4 февруари за одбележување на годишнината од раѓањето на револуционерот Гоце Делчев.
Тоа беше повод на социјалните мрежи да се повикаат граѓаните на 4 февруари да ја блокираат патарината Куманово – Скопје со цел нивно спречување.
„Повик до сите родољуби! Дојдете со камиони, трактори, автомобили и друга машинерија и поддржете го протестот. Кумановчани – ве повикуваме во 9 часот да ја блокирате патарината кон Скопје. Да не дозволуваме бугарските неонацисти да плукаат по споменот на великанот Гоце Делчев“, стои во објавата.
