Од ноќеска на полноќ се зголемува малопродажната цена на ЕУРОДИЗЕЛ (Д-Е V) за 0,5 денари за литар, а на Екстра лесното масло за домаќинство за еден денар, соопшти Регулаторната комисија за енергетика и водни услуги.
Новата цена на ЕУРОДИЗЕЛ БС (Д-Е V) ќе биде 70,5 денари, а на Екстра лесното 70 денари за литар.
Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат. Литар ЕУРОСУПЕР БС – 95 и натаму ќе се продава за 80, а ЕУРОСУПЕР БС – 98 за 82 денара за литар.
За 0,755 денари поскапува Мазутот М-1 НС и еден килограм ќе чини 41,784 денари.
