Турските власти отпуштија од работа 12.801 полицаец, поради наводна поврзаност со движењето на исламскиот проповедник Фетулах Ѓулен, соопшти денеска турската полициска управа.
Во соопштението се наведува дека 2.523 од нив биле полициски началници.
Во акцијата, која ја спроведе Владата по обидот за воен удар на 15 јули, за кој властите го обвинуваат Ѓулен, Турција досега отпушти од работа над 100.000 државни службеници, учители, судии, обвинители и други вработени.
