Канадската веб-страна за имиграција www.cic.gc.ca/website се урна од преголема посетеност од страна на Американците за време на одржувањето на претседателските избори, јавуваат светските медиуми.
Американците се шегуваа дека ќе се преселат во Канада доколку победи Трамп, но таа нивна шега голем број од нив сериозно ја сфатија. Тие масовно почнале да ја посетуваат веб-страницата за имиграција откако за време на гласањето било објавено во кои држави Трамп води пред Клинтон.
Во февруари се појави информација дека на островот Кејп Бретон на атлантскиот брег на Канада се продаваат мирни засолништа за Американците кои сакаат да се преселат, доколку Трамп се всели Белата куќа.
Адвокатот за имиграција Џоел Сандалук од Торонто, изјави дека обемот на работа значително се зголемил во последните неколку месеци.
Канада нуди можност за мигрантите да работат таму или да се преселат со целото семејство. Оваа држава во последните неколку месеци води политика за преземање бегалци од голем број земји.
