МАКЕДОНИЈА – Поради спуштање на студен воздух од север, денеска во Македонија ќе има локални врнежи од дожд, кои понекаде ќе преминуваат во снег и на некои од пониските места. На планините особено на запад и на исток врнежите ќе бидат од снег. Најмалку врнежи ќе има во централните делови од земјава.
Повеќе врнежи се очекуваат попладне, а снег е можен и на повисоките места и во котлините, особено во северните делови. Ќе дува слаб до умерен ветер, претежно од југоисточен правец.
Дневната температура ќе се движи од 1 до 7 Целзиусови степени.
Во Скопје претежно облачно со услови за појава на слаб дожд, кој на повисоките делови во котлината повремено ќе поминува во слаб снег, особено попладне. Температурата во текот на денот ќе се искачи најмногу до 5 Целзиусови степпени.
Појава на врнежи ќе има и во вторник, но само во крајните западните делови. Поинтензивни врнежи претежно од дожд се очекуваат во среда од средината не денот и особено во западните делови, каде што врнежите во текот на ноќта ќе бидат од снег. Ќе дува дува засилен југозападен ветер.
