МАКЕДОНИЈА – Во текот на денешниот ден, врнежите ќе се префрлаат кон исток и ќе бидат пообилни во претпладневните часови, особено во југоисточните делови. Насекаде ќе се формира снежна покривка.
Во Скопје ќе биде облачно и студено, со слаб до умерен северозападен ветер и со врнежи од снег особено претпладне.
Температурата ќе биде во интервал од -2 до 0 степени.
Поради влијанието од многу студена и влажна воздушна маса пообилни врнежи се очекуваат и утре претпладне кога на пониските места ќе се формира снежна покривка од околу 10 до 15 см, а на планините ќе се зголеми и за над 30 см. Во вторник послаби врнежи од снег ќе има во западните и јужните делови од земјава.
До четврток температурите ќе бидат значително под просекот за овој период од годината. Утринските температури од вторник до четврток ќе се спуштаат и под -10 степени.
