Деновиве беа целосно реконструирани тоалетите за децата од осум месеци до три години, во претшколската установа „Орце Николов“, објект во Карпош 4. Со оваа интервенција значително се подобрија хигиенско – санитарните услови во оваа детска градинка.
Општина Карпош продолжува со секојдневно унапредување на условите во градинките, а за оваа година се предвидуваат и нови занимални за градинката „Орце Николов“ во Карпош 3, како и надградба на „Распеана младост“ во Карпош 1.
Наскоро започнува доградбата на градинката „Орце Николов“, во Карпош 3.
Ќе се добијат 4 нови занимални, со што ќе се зголемат капацитетите за сместување на деца.
