Лекарите и медицинските лица секојдневно работат со заштитни маски и дополнителна заштитна опрема, но и во многу други професии вработените целиот работен ден го поминуваат со заштита. Не е тешко и нема оправдување за тие кои не носат маска, кои не ги почитуваат мерките.
“Носам заштитна маска затоа што водам грижа за моите најблиски – семејство, колеги и пријатели. Секогаш кога сум во контакт со нив ја носам, затоа што секој од нас има одговорност да се грижи и за здравјето на тие околу нив. Грижата за себе во исто време е и грижа за тебе. Апелирам на почитување на мерките без исклучок! Само преку носење маска, често миење на рацете и одржување физичка дистанца можеме да го намалиме ширењето на вирусот. Да бидеме одговорни!” – напиша министерот за здравство, Венко Филипче на својот фб профил.
