МАКЕДОНИЈА – Претпладне облачно со повремени врнежи кои и на некои пониски места ќе се менуваат од дожд до снег. Во западните делови ќе се формира нова снежна покривка. Повремени слаби врнежи од снег ќе има и на повисоките делови од Скопската котлина. Во пладневните часови врнежите ќе престануваат и облачноста ќе се намали. Ќе дува засилен ветер од северен правец, најизразен вдолж Повардарието.
Температурата ќе се движи од -4 до 9 степени.
Поради продор на студена воздушна маса во текот на ноќта и утре, врнежите од дожд ќе преминат во снег и во некои од пониските места.
Поради разведрувањето во среда и четврток утринските температури ќе бидат под нулата.
