Специјалниот претставник на Државниот совет на Северна Кореја за политика кон САД Ким Хјок Чол бил егзекутиран во март по средбата која заврши без резултат меѓу американскиот претседател Доналд Трамп и севернокорејскиот лидер Ким Џонг Ун. Ова денеска го објави конзервативниот јужнокорејски весник Chosun Ilbo, повикувајќи се на свои извори во Северна Кореја.
Ким Хјок Чол и уште четворица функционери се погубени поради неуспешниот самит во Ханој со американскиот претседател Доналд Трамп, објавуваат јужнокорејските медиуми. Уште неколку учесници на средбата, меѓу кои и преведувачот на Ким, биле испратени во поправни логори, пишува весникот.
Портпаролката на јужнокорејското Министерство за обединување одбила да ги коментира наводите на медиумите и порачала „дека е непримерно да се коментираат вести кои прво би требало да бидат проверени“.
