Собранието денеска ќе ја продолжи конститутивната седница за избор на претседател, заменик на претседателот, членови и нивни заменици на Комисијата за прашања на изборите и именувањата.
На дневен ред на седницата е и изборот на претседател на Собранието на Република Македонија.
Вчерашната собраниската расправа се одвиваше во постојана тензија, а СДСМ го обвини ВМРО-ДПМНЕ за блокада на собраниската работа.
СДСМ со потписи на 20 пратеници го предложи Талат Џафери за единствен кандидат за претседател. Собраниското столче на лидерот на ВМРО-ДПМНЕ остана празно.
Груевски во ек на политичката криза замина на Малта и заедно со партиска делегација ќе учествува на конгрес на Европската народна партија. Од ВМРО-ДПМНЕ не соопштуваат – кога Груевски се враќа во земјава.
