Вчера, кандидатот за прв премиер албанeц го претстави својот 100-дневен акционен план со 25 конкретни мерки за подобрување на еднаквоста и животниот стандард за сите граѓани на Северна Македонија.
“Денес би сакал да истакнам неколку од најважните мерки, од лична гледна точка како градоначалник и како поранешен наставник.
Има многу луѓе кои се столб на нашето општество, но кои ретко се во центарот на вниманието. Тие се медицинските сестри кои го одржуваат нашето здравје дури и во криза, и наставниците кои ги подготвуваат нашите деца за својата иднина. Поради кризата со Корона, медицинските сестри особено добија поголемо признание од вообичаеното – целата наша земја е благодарна за нивната работа. Тие беа оние кои го загрозија своето здравје, да го одржат нашето здравје и да ги лекуваат болните. И исто така наставниците и воспитачите, кои ни помагаат да ги подготвиме нашите деца за нивната иднина.
Да, општеството ги почитува. Но, почитта и топлото ракување не се доволни за да ја цениме работата на овие тивки херои на нашето општество. Затоа, јас сум многу задоволен што откако ги зголемивме минималните плати на наставниците во последниот мандат на 400 евра месечно, заедно со првиот премиерот албанец, ќе ја зголемиме минималната плата за наставниците, воспитачите и медицинските сестри за 50 проценти, во 600 евра секој месец. Ова не е само знак на почитување на нивниот важен придонес, туку тоа е само праведна исплата за она што тие го придонесуваат за нашето општество секој ден.
Повисоките плати за наставниците, воспитачите и медицинските сестри не е само за подобрување на нивниот животен стандард, туку исто така дека, не само што ја цениме нивната работа, туку и дека сакаме најдобрите луѓе да работат за нашето здравје и за нашите деца.
Градинките и училиштата ги формираат нашите деца, тие им го обезбедуваат она што им е потребно за нивниот живот и кариера. Секој економски експерт ни кажува дека образованието е клучен фактор во економскиот развој – како сега така и во иднина. Како татко, сакам најдобри и најмотивирани експерти во овие институции, а како граѓанин и политичар, сакам да ја видам економијата како се развива и напредува. Затоа, зголемувањето на платите на нашите наставници и негуватели е исто така инвестиција во нашата економска иднина. Тоа е инвестиција, да им обезбедиме на нашите деца квалификувани и добро платени работни места овде во нашата земја, за да не мора повеќе да заминуваат за да направат добра кариера.
А особено за медицинските сестри, исто така е важна мерка да ги задржиме во нашата земја. Медицинските сестри имаат можности за вработување низ цела Европа, како што знаеме, а многу од нив, претежно млади жени, мигрираат за подобра плата и подобри шанси. Со 600 евра месечно ќе им обезбедиме плата, со што ќе можат да заработат добро и да ја градат својата иднина овде во Северна Македонија.
Но, дозволете ми да додадам уште една група, која отсекогаш била потценета во нашето општество.
Минималната плата е 600 евра за медицински сестри, наставници и воспитачи – целото општество ќе има корист од оваа мерка. Не некогаш во текот на наредниот мандат. Не наредната година. Туку, во првите 100 дена кога нашиот премиер албанец ќе биде во функција” – изјави на денешната прес конференција Изет Меџити, носител на листата за првата изборна единица.
.
