Институтот за развој на електронски комуникации трета година по ред, објавува краток осврт за Поглавјето 10, како и за деловите што се однесуваат на медиумските слободи, сајбер безбедноста и работењето на регулаторните тела од областа на медиумите и електронските комуникации, во однос на Извештајот од Европската комисија за напредокот на Македонија за почетокот на преговори за членство во Европската Унија.
ИНРЕКОМ смета дека и овогодинешниот извештај дава иста слика, како и минатогодишниот извештај, во однос на медиумската сфера во Македонија и дигитализацијата на македонското општество. Извештајот евидентира ограничен напредок во однос на слободата на изразувањето и ограничен напредок во однос на информатичкото општество и медиумите, со умерена подготвеност за пристапувањето во Унијата.
Оценката во извештајот е средна, а на скалило од 1 до 5, сметаме дека истата би била три, бидејќи се забележува дека се потребни повеќе напори во развојот на информатичкото општество, како и во градењето на независни регулаторни тела за аудиовизуелните медиумски услуги и за електронските комуникации. Тоа значи дека е потребно понатамошно усогласување на националното законодавство со европските регулативи и директиви, особено со ревидираната Европска директива за аудиовизуелни медиумски услуги, нешто на што се наведува веќе втора година по ред. Слободно може да се каже дека, некои од препораките и забелешките на Европската комисија се на иста линија со тие што ИНРЕКОМ ги има дадено изминатиот период на соодветните теми.
КЛИК НА ОВА ПОЛЕ ДО ЦЕЛОСНИОТ КОМЕНТАР ЗА ИЗВЕШТАЈОТ ОД ЕВРОПСКАТА КОМИСИЈА
