Во галеријата ОСТЕН ќе се оддржи изложбата “Вагон за спиење – изложба на карикатури” од светски познатиот карикатурист Дарко Дрљевиќ од Црна Гора.
Изложбата ќе биде отворена од 28 јуни до 8 јули.
Дарко Дрљевиќ е роден 1962 г. во Колашин, Црна Гора.
Слободен уметник е од 1997 г. Претседател е на Здружението на карикатуристи на Црна Гора и огранокот на европското Здружение на карикатуристи (ФЕКО Монтенегро). До сега освоил 193 награди на меѓународни натпревари за карикатура. Имал 59 самостални и преку 450 колективни изложби. Учесник е на многу сликарски колонии и колонии на карикатура и вклучен е во антологијата „Познати светски карикатуристи”. Основач е и главен уредник на хумористичниот магазин „Туш” и организатор на првиот Меѓународен фестивал на карикатура Колашин 2007.
Се занимава со карикатура, сликарство, илустрација, графика и со анимиран филм.
На Меѓународниот фестивал во Земун 2000 г. е прогласен за „Карикатурист на годината” во Србија и Црна Гора. Објавил книга на карикатури и куси раскази во 2010 г.
Објавувал карикатури во разни ТВ емисии, а се занимавал и со аматерски театар. На фестивалот на аматерских театри во Бијело Поље за претставата „Конект” освојил Посебна награда за најдобар авторски текст. Преставата се изведувала ширум Црна Гора, како и во Загреб, Пула, Сплит и Зворник.
Во 2018 г., Меѓународниот фестивал во Земун има издадено книга на карикатури на Дарко Дрљевиќ со наслов „Карикатурист гостин” и црногорската заедница во Загреб издала негова Монографија.
Живее и работи во Подгорица како карикатурист-коментатор на порталот РТЦГ и дневниот лист „Побједа”.
