Излагање на пратеникот од Левица м-р Сашко ЈАНЧЕВ, по однос на предлогот на Левица за исплата на платите до 5-ти наместо до 15-ти наредниот месец:
-„Ако може за нас, пратениците, платата да се исплаќа до петти во месецот – тогаш треба и за сите останати кои нѐ избрале да им се исплаќа до петти.
На банките не им е грижа дали луѓето кои отплаќаат рати за кредити земаат плата на 15-ти во месецот или подоцна – парите за рата мораат да легнат на банкарските сметки без разлика дали некој зел плата или не. Имајќи предвид дека во Македонија е тешко да се заштеди дел од претходната плата – граѓаните се ставаат во неповолна ситуација и неретко мораат да се задолжуваат.
Исто така, сопствениците на становите, при наплата на кирии, не ги интересира дали платата се исплаќа на 15 или 20 во месецот. Дополнително, и роковите на некои месечни сметки за тековни трошоци не се поклопуваат со земањето на платата доцна во месецот, па така, неретко на сметките се појавува и заостанат долг и се засметува камата на истиот.“
И овој Предлог-закон ДПМНЕ-ВРЕДИ-ЗНАМ само поради ароганција не го изгласаа и истиот не помина, реагираат од Левица.
