Властите во Коста Рика прогласија вонредна состојба поради приближувањето на ураганот „Ото“ кон карипското крајбрежје на земјата, јави ТАСС.
Ураганот, со ветрови кои достигнуваат брзина од 140 километри на час се очекува да донесе поројни дождови, кои веројатно ќе предизвикаат поплави и свлечишта, предупреди американскиот Национален центар за урагани, со седиште во Мајами.
Во соседна Никарагва властите евакуираа над десет илјади лица од потенцијалните опасни зони.
Во Панама во налетот на ураганот загинаа четири лица, 11 лица се водат како исчезнати, а погодени се околу 150 семејства.
