По повод претстојниот празник Богојавление (Водици) во организација на црквата Св. Константин и Елена во населба Илинден, ќе се одржи традиционалната манифестација за положување на светиот крст во водите на езерото во хотелот Белви н.Илинден, каде главен покровител е Општина Илинден.
За таа цел се повикуваат сите граѓани на ден 19 јануари (недела), со својата масовност да го одбележиме овој голем ден за сите христијани, а положувањето на крстот ќе биде во 12 часот.
Сите заинтересирани учесници за манифестацијата, кои сакаат да го фатат крстот од водите, можат да се пријават во просториите на црквата Св. Константин и Елена во населба Илинден.
За најсреќниот учесник кој ќе успее да го фати крстот, ќе се обезбедат пригодни награди и подароци.
