ОСТЕН Павиљон во Венеција ќе се претстави пред пошироката публика од 11.мај – 7.јуни, 2019 (отворање за ВИП и медиуми на 7.мај 2019 во 19ч.) во Палатата Ка’Занарди, Канереџо 4132, Венеција, со независен интернационален проект: ТРАНСКОДИРАНИ СТРУКТУРИ – пред и после медиумите во апстракцијата.
Уметници: Мице ЈАНКУЛОВСКИ, С. Макеоднија | О. ТОБРЕЛУТС, Русија
Куратори: Жолт ПЕТРАНИ, Унгарија | Корнелија КОНЕСКА, С. Македонија
ОСТЕН АРТ – Институција од културата за музејски и галериски активности, има почит кон минатата, активна е во сегашноста и има планови за иднината. Препознатлив бренд во областа на уметноста, еманципираната мисла и слободното творештво од 1945, со своето искуство и влијание во унапредувањето на културата, ОСТЕН е одлична основа за проекти кои привлекуваат уметници од целиот свет, ја едуцираат пошироката публика и ја анимираат професионалната (куратори, теоретичари, критичари, историчари на уметност…) – сите кои обезбедуваат увид и креираат материјали кои го документираат развојот и движењата во уметноста во нашето време.
За проектот
Жолт ПЕТРАНИ, Раководител на одделто за современа уметност
Национална галерија на Унгарија, Будимпешта
Изложбата „ТРАНСКОДИРАНИ СТРУКТУРИ – пред и после медиумите во апстракцијата“ на Мице ЈАНКУЛОВСКИ и Олга ТОБРЕЛУТС се однесува на истористките промени при создавање на сликарството. Сегашниот пристап кон проблемите во сликарството ги разгледува уметничките историски стереотипи. Како еден од најпознатите традиционални жанрови, тој се однесува на долгата традиција на дводимензионалниот израз, со својата релација да ја изрази реалноста, визијата, светлината и емоциите во рамките на контекстот на референци.
Денес, сликарството се соочува со два ставови: првиот, традиционален пристап ја следи парадигмата на сликата, пигментот, четката и платното за да пронајдат нови и нови ставови за да формулираат слика каде што се одразуваат современите егзистенции. Другите се соочуваат со влијанието на медиумската слика што го трансформира нашето верување во вистината, политиката, реалноста и “замрзнатиот” момент во времето како таков.
Со насловот на изложбата уметниците и кураторите се повикуваат на Вилем Флусер, филозоф на значењето на променетата слика, кој ја истакнува својата нова врска со самиот свет.
“Транскодирање” значи дека сликата секогаш се однесува на код, кој е основа за нејзината разбирливост, контекст и содржина. Кодовите се сменети од крајот на 20 век од влијанието на медиумите насекаде, а во случајот на сликарството, не можеме да ја негираме оваа транскрипција на значења, дури и ако се работи за традиционално креирано маслено сликарство кое користи уметнички кодови од минатото, или друго, кое ги вклучува медиумите и компјутерската слика, но е насликано на сличен, класичен начин. Изложбата “Транскодирани структури – пред и по медиумите во апстракција” се соочува со два вида пристапи од двајца уметници од различни генерации. Јанкуловски (1954, Скопје, С.Македонија) и Олга Тобрелуц (1970, Санкт Петерсбург, Русија) изложуваат класични форми на слики, но се разликуваат во методите на работа.
