Меѓународниот центар за архивско истражување (ИКАРУС), ја одржува својата 28-ма Конвенција во Париз насловена: “Приватните и јавните архиви во 21-от век”, на која учествува и директорот на Државниот архив, д-р Емил Крстески.
На оваа Конвенција, со која претседава претседателот на ИКАРУС, д-р Томас Аигнер, особено внимание им се посветува на процесите поврзани со архивистиката како дел од историската наука и нејзиниот развој, како дел од културното богатство и наследство, како и за интеракцијата со јавноста и со приватните архиви, нивниот легален статус и заштитата на документите и нивна дигитализација.
