Сè уште е активен пожарот кој вчера избувна во шумата над струшката населба Елен Камен. Екипа на Територијалната противпожарна единица – Струга е на терен, но местото било непристапно за возило.
– Засега нема опасност за викендичките и куќите во населбата Елен Камен, информираат од ТППЕ – Струга.
Пожарот кој вчера напладне избувнал во шумата на патот кон селото Радожда, во близина на викенд населбата Елен Камен, предизивика страв кај жителите, поради проширување кон куќите.
Силниот ветер дополнително ја отежнуваше работата на пожарникарите и ги ширеше пламените јазици.
Во овој момент екипа од триесетина пожарникари се на терен и работат на локализирање на огнот, изјавија од ТППЕ Струга.
За подетални и натамошни информации ќе се изјасни командирот на ТППЕ Струга.
