Постои реална закана од распаѓање на Европската унија, изјави германскиот министер за надворешни работи Франк-Валтер Штајнмаер за весникот „Зидојче цајтунг”.
– Финансиската криза, бегалскиот бран во Европа и шокот од британскиот референдум предизвикаа сериозен потрес во Европската унија, вели Штајнмаер, цитиран од ДПА.
– Настаните од последните години, во кои се повеќе земји во ЕУ ја доведуваат во прашање политиката на Брисел, покажаа дека политичките реалности, кои многумина ги сметаа за усвоени, сега се под сомнение, продолжува германскиот дипломат. Од овие стравувања ќе профитираат десните популисти, кои покажуваат со прст на неуспесите на ЕУ, додава тој.
– Дури и заколнатите приврзаници на Европа се свесни дека треба одново да се убедат луѓето, вели германскиот министер за надворешни работи, цитиран од ДПА.
