ВИДЕО: ФК Партизан слави 76 години од првиот натпревар – Ова е човекот кој го постигна првиот историски гол!

Сподели

Пред 76 години, во 1945 година, беше основано Спортското друштво на Централниот дом на Југословенската армија „Партизан“, а фудбалскиот дел беше меѓу петте првоосновани.

По два дена, играчите на Партизан го одиграа првиот натпревар во својата историја против репрезентацијата на Земун и победија со 4:2. Натпреварот се одигра на теренот „20 Октомври“ (денес стадион Партизан), пред околу 1.000 гледачи, претежно армиски борци ..

Од почетокот, забележлива беше супериорноста на Партизан, во многу убава комбинирана игра. Но, во 22. минута Земун поведе со 1:0 со голот на Јовановиќ, а во 41. минута, Силвестер Шереш го израмни резултатот. Истиот играч набргу го постигна вториот гол и го доведе Партизан во водство од 2:1.

На почетокот на второто полувреме Матекало го зголеми резултатот на 3:1, а во 61 минута Рупник го постигна четвртиот гол за Партизан. Кон крајот на натпреварот селекцијата на Земун постигна гол и така беше поставен конечниот резултат, 4:2 за Партизан.

Мечот правилно го судеше судијата Митровиќ.

Партизан го одигра првиот натпревар со овој состав:

Чулик – Чолиќ, Белеслин – Чајковски, Џурчевиќ (Шваљек), Атаначковиќ – Шереш (Михајловиќ), Палфи, Рупник, Божовиќ, Матекало.

Долго време Матекало беше стрелец на првиот гол за Партизан. Сепак, фудбалерите на Партизан често менуваа места за време на натпреварот, што понекогаш ги вознемируваше новинарите.

Според извештајот на „Борба“ од 7 октомври 1945 година, првиот гол го постигнал Силвестер Шереш. Ова на авторот на овој текст му го потврди синот на Силвестер, Золтан.

Значи, првиот натпревар се одигра на 6 октомври, денот на зачнувањето на Свети Јован Крстител, што е слава на фудбалскиот клуб Партизан.