Основниот кривичен суд Скопје ја информира јавноста дека денеска и во петок 20.03.2020 – та година ќе врши темелна дезинфекција на суднцитие, ходниците, санитарните јазли, шалтерите и сите останати простории во новата и старата зграда.
Согласно препораките на Владата на РСМ овие дезинфекци ќе се вршат секоја среда и секој петок се додека постои потреба за истото. Воедно за заштита од ширење на корона вирусот како и здравјето на странките и вработените во институцијата, судот обезбеди средства за дезинфекција достапни на секој шалтер, а секој службеник кој има директен и непосреден контакт со странките е задолжен да носи стерилни ракавици и медицинска маска.
Како суд уште еднаш упатуваме апел до сите адвокати, обвинители, вештаци, сведоци и останати странки, доследно да ги почитуваат и да се придржуваат кон препораките на Владата.
Судот во текот на денот ќе ја информирма јавноста во однос на одлуката на Судскиот совет за сите закажани итни и неодложни судења во следниот период.
