Заев и понуди на опозицијата заедно да прават Влада – Мицкоски: тој филм нема да го гледате

by Sonja Ajanovska
Сподели
    

 

Премиерот Зоран Заев во интервју за „Слободен Печат“ изјави за можноста за формирање на Влада на Национален спас, во која би влегла и опозицијата. 

-Нудиме соработка од секој можен аспект. Се што треба да направиме, да направиме, но дефинитивно мора да имате човек од другата страна, за да разговарате. Првпат го кажувам ова, сакам да отворам дебата за заедничка власт и Влада со опозицијата. Ама да има човек со кого може да се разговара, со господинот Мицковски не се разговара. Или, ако кај нив има разумен човек, а кај нас нема, нека го тргнат и Заев, само двете партии да можат да разговараат. Мораме да го здружиме нашиот народ, зашто тоа ни е потребно, го знаат и тие, а го знам и јас – премногу ни е поделен народот!, истакна во интервјуто премиерот Зоран Заев.

Од инфективната клиника преку ФБ реагираше и лидерот на ВМРО-ДПМНЕ Христијан Мицкоски, кој што на власта и на нејзините лакеи им порача дека пакт со криминал и криминалци нема да се случи.

“Имам една порака до вас, господа од власта, заедно со вашите лакеи, за мене денес е исклучително тежок ден. Пеколно тежок ден бил деветтиот најтешкиот, се борам со болеста, тешко дишам, а главата ми пука од температура, но имам јас енергија, мотив и волја и за борба со вас.
Ова го пишувам од собата во инфективната клиника со сиот револт во себе што и направивте на Македонија. Има начин да се спасите од мене, да не се разбудам утре или денот потоа и тогаш можеби ќе ви биде полесно да пронајдете соодветен соговорник.Но, тој филм нема да го гледате и ви ветувам дека ќе се изборам со болеста, ќе излезам од инфективна, а потоа не чека многу работа…Сметот мора да се измете, ама најпрвин од сопствениот двор! И овие од власта ако мислат дека има најмали шанси за пакт со криминал и криминалци, тоа нема да се случи. Ќе бидете победени, тоа ви го ветувам”, – напиша Мицкоски на својот ФБ профил.